Pune News : राज्यात नीचांकी किमान तापमानाची नोंद झाल्यानंतर किमान तापमानात चढ-उतार होत आहेत. किमान तापमानात काहीशी वाढ झाली असली तरी राज्यात गारठा कायम आहे. आज (ता. ३०) राज्याच्या किमान तापमानातील चढ-उतार, गारठा कायम राहण्याची शक्यता हवामान विभागाने वर्तविली आहे.

उत्तर भारतात थंडीचा कडाका कमी झाला आहे. सोमवारी (ता. २९) बिहारमधील सबोर यथे देशाच्या सपाट भूभागावरील नीचांकी ५.० अंश सेल्सिअस तापमान नोंदले गेले. पंजाब, हरियाना, चंदीगड, दिल्ली, उत्तर प्रदेश, राजस्थानात किमान तापमान ७ ते १० अंशांदरम्यान आहे. उत्तर भारतात धुके, थंडीची लाट, थंड दिवस ही स्थिती काहीशी निवळली आहे.

राज्याच्या तापमानात वाढ झाली असली तरी उत्तर महाराष्ट्रात मात्र गारठा टिकून असल्याचे चित्र आहे. सोमवारी (ता. २९) धुळे येथील कृषी महाविद्यालयात राज्यातील नीचांकी ८.६ अंश तापमानाची नोंद झाली.

निफाड येथील गहू संशोधन केंद्रात ९.१ अंश तापमान नोंदले गेले. उर्वरित राज्यात किमान तापमानाचा पारा १० ते २१ अंशांच्या दरम्यान आहे. आज (ता. ३०) किमान तापमानात चढ-उतार होण्याचा अंदाज हवामान विभागाने वर्तविला आहे.

सोमवारी (ता. २९) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३२.१ (१३.७), धुळे ३३.० (८.६), जळगाव ३१.८ (११.३), कोल्हापूर ३०.६ (१७.९), महाबळेश्वर २६.३ (१५.२), मालेगाव ३०.२ (१४.२), नाशिक ३१.४ (१२.५), निफाड ३०.१ (९.१), सांगली ३०.६ (१६.८), सातारा ३०.७ (१५.७), सोलापूर ३३.०(१७.१), सांताक्रूझ ३४.२ (१८.४), डहाणू २८.७ (१७.४), रत्नागिरी ३४.५ (२०.२),

छत्रपती संभाजीनगर ३०.२ (१५.९), नांदेड ३०.८ (१६.६), परभणी ३०.९ (१४.४), अकोला ३२.० (१५.१), अमरावती ३०.६ (१३.७), बुलडाणा ३०.५ (१५.०), ब्रह्मपुरी ३३.८ (१३.०), चंद्रपूर ३०.० (१२.०), गडचिरोली २८.६ (१३.०), गोंदिया २९.२ (११.६), नागपूर २९.६(१२.८), वर्धा ३०.०(१३.६), वाशीम ३०.० (१३.६), यवतमाळ २७.० (१५.२).