Pune News : राज्यात दोन दिवसांपासून थंडी पुन्हा वाढायला सुरुवात झाली. राज्यातील काही ठिकाणी आजही १० अंशापेक्षा कमी तापमानाची नोंद झाली होती. विदर्भ आणि उत्तर महाराष्ट्रात थंडी काहिशी अधिक दिसत आहे. आज धुळे येथील कृषी महाविद्यालयात ६.८ अंशाची नोंद झाली. राज्याच्या किमान तापमानातील चढ-उतार कायम राहण्याची शक्यता हवामान विभागाने व्यक्त केली.

पश्‍चिमी चक्रवातामुळे उत्तर भारतातील राज्यांमध्ये थंडी कमी-अधिक होत आहे. आज मध्य प्रदेशातील नवगाव येथे देशाच्या सपाट भूभागावरील नीचांकी ४.४ अंश सेल्सिअस तापमानाची नोंद झाली. तर उत्तर भारतात अनेक ठिकाणी सकाळी वातावरणात धुक्याची चादर दिसून येत आहे. उत्तर भारतातील अनेक बागात धुके जाणवत आहे.

राज्यातील अनके भागात किमान तापमानात घट झाली आहे. त्यामुळे थंडी वाढली. तर काही भागात तापमानातील चढ उतार कायम आहेत. राज्यातील सर्वात कमी तापमानाची नोंद धुळे येथील कृषी महाविद्यालयात झाली. येथे आज ६.८ अंशाची नोंद झाली. तर निफाड येतील गहू संसोधन केंद्रात ७.३ अंशाची नोंद झाली होती. तसेच नगर येथे ७.७ अंश तापमानाची नोंद झाली. मोहोळ येथेही ८ अंश सेल्सिअसची नोंद झाली होती.

राज्यातील काही ठिकाणी तापमान १० अंशाच्या खाली गेले आहे. तर सकाळी काही ठिकाणी धुक्याची चादर दिसून येत आहे. दुपारी जाणवणारा उकाडाही काही प्रमाणात कमी झालेला दिसत आहे. पण काही भागात तापमानात चढ उतार दिसत आहे. राज्यातील तापमनात चढ उतार कायम राहतील, असा अंदाज हवामान विभागाने व्यक्त केला.