Pune News : उत्तर भारतातील राज्ये आणि महाराष्ट्रात थंडीचा कडाका कायम दिसत आहे. पंजाबमध्ये थंडीचा कडाका जास्तच आहे. पंजाबमधील आदामूपरमध्ये निचांकी तापमानाची नोंद झाली. तर महाराष्ट्रातील येऊर येथे ०.९ अंश सेल्सिअस तापमानाची नोंद झाली. राज्यातही थंडीचा कडाका वाढू शकतो, असा अंदाज हवामान विभागाने दिला.

लक्षद्वीप आणि मालदीव परिसरावर कमी दाबाचे क्षेत्र सक्रिय आहे. दक्षिण अंदमान समुद्रात आज चक्राकार वाऱ्यांची स्थिती तयार होण्याची शक्यता असून, सोमवारपर्यंत या भागात नव्याने कमी दाब क्षेत्राची निर्मिती होण्याचे संकेत आहेत.

यातच पश्‍चिमी चक्रावात आणि पश्‍चिमेकडून वाहणाऱ्या जोरदार वाऱ्यांमुळे देशाच्या उत्तरेकडील राज्यांमध्ये थंडीचा कडाका अधिकच वाढला आहे. आज पंजाबच्या ‘अदमपूर’ येथे देशाच्या सपाट भूभागावरील नीचांकी उणे ०.७ अंश सेल्सिअस तापमानाची नोंद झाली.

राज्यातही अनेक ठिकाणी थंडीचा कडाका चांगलाच वाढला. राज्यातील काही भागात १० अंशाच्या दरम्यान तापमान होते. आज राज्यात जेऊर येथे सर्वात कमी तापमानाची नोंद झाल. राज्यात पहिल्यांदाच तापमान १ अंशाच्या खाली गेले. जेऊर येथे ०.९ अंश तापमानाची नोंद झाली. राज्यात थंडीचा कडाका कायम राहण्याचा अंदाज आहे, असे हवामान विभागाने स्पष्ट केले.