Pune News: पावसाच्या उघडिपीमुळे कमाल तापमानाचा पारा तिशीपार असून, उन्हाचा चटका आणि उकाडा तापदायक ठरत आहे. आज (ता. १८) मध्य महाराष्ट्र, मराठवाड्याच्या दक्षिणेकडील जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यातही विजांसह हलक्या सरींची शक्यता वर्तविण्यात आली आहे.

उत्तर प्रदेश आणि परिसरावर तीव्र कमी दाबाचे क्षेत्र सक्रिय आहे. ही प्रणाली मध्य प्रदेशाकडे सरकत आहे. मॉन्सूनचा आस असलेला कमी दाबाचा पट्टा राजस्थानमधील बिकानेरपासून दातीया, तीव्र कमी दाबाचे केंद्र, देहरी, पुरूलिया, दिघा ते आग्नेय बंगालच्या उपसागरापर्यंत सक्रिय आहे.

गुरुवारी (ता. १७) सकाळपर्यंतच्या २४ तासांमध्ये कोकण, घाटमाथ्यावर मध्यम ते जोरदार सरींनी हजेरी लावली. मराठवाड्यात तुरळक ठिकाणी अतिवृष्टी झाली असून, परभणीतील सेलू येथे राज्यातील उच्चांकी १३० मिलिमीटर पावसाची नोंद झाली. लातूर, धाराशिव, जालना जिल्ह्यांत जोरदार पाऊस कोसळला. विदर्भात उन्हाचा चटका तापदायक ठरत असून, चंद्रपूर येथे राज्यातील उच्चांकी ३४.२ अंश तापमान नोंदले गेले. ब्रह्मपुरी, सोलापूर, जेऊर, धुळे येथे राज्यातील उच्चांकी ३४ अंश सेल्सिअस तापमानाची नोंद झाली.

आज (ता. १८) सिंधुदुर्गासह दक्षिण मध्य महाराष्ट्रातील सातारा, सांगली, कोल्हापूर, सोलापूर, दक्षिण मराठवाड्यातील धाराशिव, लातूर, बीड, परभणी, हिंगोली, नांदेड आणि विदर्भातील अकोला, अमरावती या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) आहे. उर्वरित राज्यात तुरळक ठिकाणी विजांसह हलक्या ते मध्यम पावसाची शक्यता हवामान विभागाने वर्तविली आहे.

गुरुवारी (ता. १७) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३०.२---२२.५

अहिल्यानगर---३२.२---२२.७

‎‎धुळे---३४.०---२०.४

जळगाव---३२.२---२२.७

जेऊर---३४.०---२१.०

‎‎कोल्हापूर---२९.२---२२.९

‎महाबळेश्‍वर---२०.१---१७.९

मालेगाव---३३.४---२२.६

‎‎नाशिक---३०.४---२२.४

‎निफाड---३१.६---२२.२

‎सांगली---३०.६---२२.७

‎सातारा---२९.२---२२.५

‎सोलापूर---३४.१---२४.८

‎सांताक्रूझ---३१.७---२७.५

डहाणू---३३.२---२६.१

‎रत्नागिरी---३०.१---२६.५

‎छत्रपती संभाजीनगर---३२.७---२४.०

‎धाराशिव---३१.९---२०.८

‎परभणी---३२.१---२२.८

परभणी (कृषी)---३२.२---निरंक

‎‎अकोला---३३.६---२५.५

अमरावती---३१.०---२४.१

‎भंडारा---३१.०---२४.०‎‎

बुलडाणा---३१.६---२३.६

‎ब्रह्मपुरी---३४.०---२५.६

‎चंद्रपूर---३४.२---२५.०

‎गडचिरोली---३१.०---२४.०

‎गोंदिया---२८.५---२४.८

‎नागपूर---३२.४---२५.७

‎वर्धा---३३.०---२५.६

‎वाशीम---३१.२---२३.२

‎यवतमाळ---३३.०---२४.४

विजांसह पावसाचा इशारा (येलो अलर्ट) :

सिंधुदुर्ग, सातारा, सांगली, कोल्हापूर, सोलापूर, धाराशिव, लातूर, बीड, परभणी, हिंगोली, नांदेड, अकोला, अमरावती.