Pune News : हवामान विभागाने पुढील तीन ते चार दिवस राज्यातील काही भागात वादळी पावसाचा अंदाज दिला. तर काही ठिकाणी उष्णतेच्या लाटेचाही इशारा देण्यात आला. 

हवामान विभागाने कोकणातील सिंधुदूर्ग, रत्नागिरी, रायगड, पालघर, ठाणे आणि मुंबई या जिल्ह्यांमध्ये पुढील तीन ते चार दिवस उष्णतेच्या लाटेचा इशारा दिला.

विदर्भातील बुलडाणा, अकोला, अमरावती, वाशीम, यवतमाळ, वर्धा, नागपूर, चंद्रपूर, गडचिरोली, भंडारा आणि गोंदीया जिल्ह्यात काही ठिकाणी आज आणि उद्या विजा आणि मेघगर्जनेसह वादळी पावसाचा अंदाज दिला.

तसेच मराठवाडा, मध्य महाराष्ट्रातही काही ठिकाणी विजा आणि मेघगर्जनेसह पावसाचा अंदाजही हवामान विभागाने दिला.

सोमवारी मराठवाड्यातील बीड, परभणी, नांदेड, लातूर, धाराशिव जिल्ह्यातील काही ठिकाणी हलक्या पावसाचा अंदाज दिला. तर मध्य महाराष्ट्रातील नागर, पुणे, सातारा, सांगली आणि कोल्हापूर जिल्ह्यातही काही ठिकाणी हलक्या सरींचा अंदाज आहे. मंगळवारीही मराठवाड्यात काही ठिकाणी हलक्या पावसाचा अंदाज हवामान विभागाने दिला.