Pune News : राज्यात थंडीचा कडाका वाढल्यानंतर दोन दिवसांत तापमानात २ ते ३ अंशांची वाढ झाली आहे. किमान तापमानात वाढ झाली असली, तरी राज्यात गारठा कायम आहे. आज (ता. २९) राज्याच्या किमान तापमानात वाढ आणि गारठा कायम राहण्याची शक्यता हवामान विभागाने वर्तविली आहे.

उत्तर भारतात थंडी काहीशी कमी झाली आहे. रविवारी (ता. २८) उत्तर प्रदेशातील गोरखपूर यथे देशाच्या सपाट भूभागावरील नीचांकी ५.२ अंश सेल्सिअस तापमान नोंदले गेले. पंजाब, हरियाना, चंडीगड, दिल्ली, उत्तर प्रदेश, मध्य प्रदेश, बिहार राज्यात किमान तापमान ६ ते ८ अंशांदरम्यान आहे. उत्तर भारतात तुरळक ठिकाणी धुके, थंडीची लाट, थंड दिवस ही स्थिती कायम राहण्याची शक्यता आहे.

राज्याचे तापमान वाढले असले तरी उत्तर महाराष्ट्रात थंडी कायम आहे. रविवारी (ता. २८) धुळे येथील कृषी महाविद्यालयात राज्यातील नीचांकी ८ अंश तापमानाची नोंद झाली. निफाड येथील गहू संशोधन केंद्रात ९ अंश तापमान नोंदले गेले. उर्वरित राज्यात किमान तापमानाचा पारा १० अंशांच्या वर सरकला आहे. आज (ता. २९) किमान तापमानात वाढ होत गारठा कायम राहण्याचा अंदाज हवामान विभागाने वर्तविला आहे.

रविवारी (ता. २८) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअसमध्ये) :

पुणे ३१ (१३.३), धुळे ३१ (८.०), जळगाव ३१.१ (१०.८), कोल्हापूर ३०.९ (१८.१), महाबळेश्‍वर २५.१ (१४.५), मालेगाव २७.६ (१०.६), नाशिक ३०.८ (१२.५), निफाड २९.४ (९), सांगली ३१.१ (१७.४), सातारा ३१ (१५), सोलापूर ३२.६ (१८.४), सांताक्रूझ ३४.३ (१७.९), डहाणू २९.९ (१६.१), रत्नागिरी ३४.८ (२०.५),

छत्रपती संभाजीनगर २९ (१३.६), नांदेड ३०.२ (१५.८), परभणी ३०.४ (१४), अकोला ३१ (१४.५), अमरावती २८.८ (१३.६), बुलडाणा ३०.५ (१४), ब्रह्मपुरी ३०.३ (१२.८), चंद्रपूर २९.४ (११), गडचिरोली ३० (११), गोंदिया २६.५ (१०.२), नागपूर २७.९ (११.६), वर्धा २८.५ (१२.४), वाशीम ३०.६ (११.८), यवतमाळ ३१.५ (१५.५).