Farmers Association: राहुल गांधी यांचा पाठिंबा मिळाला तर संसदेत केंद्र सरकारला हमीभाव कायद्याच्या मागणीवरून घेरता येईल, असा दोन्ही शेतकरी संघटनांचं मत आहे. त्यामुळं संयुक्त किसान मोर्चाने २६ जुलै रोजी राहुल गांधी यांची भेट होण्याची शक्यता आहे. तर संयुक्त किसान मोर्चा अराजकीयची नेतेसुद्धा राहुल गांधी यांच्या भेटीसाठी दिल्ली आलेत आहेत. दुसरीकडे हमीभाव आणि कर्जमाफीसाठी आंदोलन अनेक तीव्र करण्याची घोषणा करण्यात आली आहे. या आंदोलनात संयुक्त किसान मोर्चा आणि संयुक्त किसान मोर्चा अराजकीयकडून १५ ऑगस्ट रोजी देशातील सर्व जिल्ह्यांमध्ये ट्रॅक्टर मोर्चा काढणार आहेत. तर पंजाब हरियाणाच्या सीमा मोकळ्या झाल्यानंतर तीन मोठ्या सभा घेण्याची घोषणाही संयुक्त किसान मोर्चाच्या नेत्यांनी केलीय. त्यासोबत ३० ऑगस्ट रोजी शेतकरी आंदोलनाला २०० दिवस पूर्ण होत असल्याने शेतकऱ्यांनी शंभू सीमेवर यावं, असं आवाहन करण्यात आलं आहे.