Chandrashekhar Bawankule orders: मंत्रालयात वनमंत्री गणेश नाईक यांच्या अध्यक्षतेखाली वन्य संघर्षांबाबत तातडीची बैठक आयोजित करण्यात आली होती. या बैठकीत राज्यमंत्री आशीष जयस्वाल, आमदार परिणय फुके तसेच वरिष्ठ अधिकारी उपस्थित होते. त्यावेळी महसूलमंत्री बावनकुळे यांनी अधिकारी वर्गाला फटकारले. बावनकुळे म्हणाले की, वन्य प्राण्यांच्या हल्ल्यांवर नियंत्रण ठेवण्यासाठी पूर्वीच सूचना दिल्या होत्या. निधी कमी पडत असल्यास जिल्हा नियोजन समितीच्या आराखड्यातून आवश्यक रक्कम उपलब्ध करून देण्याचेही स्पष्ट करण्यात आले होते. मात्र, तरीही अधिकाऱ्यांनी या बाबीकडे गांभीर्याने लक्ष दिलेले नाही. आता तातडीने आधुनिक तंत्रज्ञान वापरण्यासाठी मुख्य सचिवांच्या अध्यक्षतेखालील समितीकडे प्रस्ताव सादर करावा. निधीची तात्काळ व्यवस्था केली जाईल. अधिकारी वर्गाने आंतरराष्ट्रीय स्तरावरील यशस्वी तंत्राचा अभ्यास करून त्याचा उपयोग वन्य हल्ले रोखण्यासाठी करावा.