विमा कंपन्यांनी शेतकऱ्यांना कोणत्या बाबीअंतर्गत किती भरपाई द्यायची याचा आकडा काढलेला आहे. पीक विम्यात शेतकऱ्यांना स्थानिक नैसर्गिक आपत्ती आणि हंगामातील प्रतिकूल परिस्थिती, काढणी पश्चात नुकसान भरपाई आणि पीक कापणी प्रयोगावर आधारित विमा भरपाईचे एकूण २ हजार ३१६ कोटी रुपये मंजुर झाले. यापैकी शासनाने आपल्या हिस्स्याचा पहिला हप्ता दिल्यानंतर विमा कंपन्या शेतकऱ्यांना स्थानिक नैसर्गिक आपत्ती आणि हंगामातील प्रतिकूल परिस्थिती या बाबीअंतर्गत मंजूर झालेली भरपाई देणार आहेत. ही भरपाई जवळपास २ हजार १६० कोटी रुपये आहे. शेतकऱ्यांना यंदा स्थानिक नैसर्गिक आपत्ती या बाबीतून १४५५ कोटी रुपयांची भरपाई मंजूर झाली आहे. हंगामातील प्रतिकूल परिस्थितीअंतर्गत ७०६ कोटी रुपयांची भरपाई मंजूर आहे. तर काढणी पश्चात नुकसान भरपाईतून शेतकऱ्यांना १४१ कोटी भरपाई मंजूर आहे. पीक कापणी प्रयोगावर आधारित भरपाई १३ कोटींच्या दरम्यान आहे. शेतकरी गेल्या काही महिन्यांपासून या भरपाईची वाट पाहत आहेत. मात्र राज्य सरकारने विमा कंपन्यांना हप्ता दिला नाही. त्यामुळे भरपाई मंजूर होऊन देखील शेतकरी वंचित आहेत.