बाजारात सध्या गव्हाची आवक चांगली सुरु आहे. गहू २ हजार ५०० ते २ हजार ६०० रुपयांच्या दरम्यान विकला जात आहे. वाढती आयात आणि बाजारातील आवक यामुळे तुरीच्या भावात चढ उतार सुरु आहेत. तुरीला सध्या प्रतिक्विंटल सरासरी ७ हजार १०० ते ७ हजार ४०० रुपयांच्या दरम्यान भाव मिळत आहे. बाजारातील आल्याची आवक मागील दोन आठवड्यांपासून कमी दिसत आहे. आल्याचे भाव सध्या ३ हजार ते ३ हजार ५०० रुपयांच्या दरम्यान दिसत आहेत. बाजारात कोबीची आवक चांगली सुरु आहे. वाढत्या आवकेमुळे कोबीचे दर सध्या बाजारात ४०० ते ७०० रुपयांच्या दरम्यान दिसत आहेत. कापसाची बाजारातील आवक कमी झाली. सीसीआयची कापूस विक्री सुरु आहे. सध्या कापूस ७ हजार ५०० ते ७ हजार ८०० रुपयांच्या दरम्यान विकला जात आहे.