Animal Health: प्राथमिक उपचार करताना  दंशाची जागा स्वच्छ पाण्याने आणि जंतुनाशकाने धुवावी. दंशाच्या जागेची हालचाल कमी करावी, जेणेकरून विष शरीरात गतीने पसरत नाही. विषाचा शरीरातील प्रसार कमी करण्यासाठी जखमेच्या वर काही अंतरावर दोरी किंवा कापड बांधावे. बांधलेले कापड १० मिनिटाच्या अंतराने काही सेकंदासाठी सैल करावे. लक्षात ठेवा दंशाची जागा चाकू किंवा धारदार शस्त्राने पसरवू नये. त्यामुळे जंतुसंसर्ग आणि धनुर्वात होण्याची शक्यता असते. जखमेवर तंबाखू लावणे असे प्रकार करु नयेत. कारण या गोष्टी लावल्याने शरीरातील धमण्यांची तोंडे मोठी होतात आणि सापाचे विष जास्तच भिनत जाते. लगेच पशुवैद्यकांना बोलवावं. ज्या सापाने दंश केला आहे, त्याचे तोंड ठेचू नये कारण तोंडाच्या रचनेवरून साप कोणत्या प्रजातीत मोडतो म्हणजे तो साप विषारी आहे की बिनविषारी याची कल्पना येते. त्यामुळे उपचार करणं सोपं जातं.