राज्यात काही ठिकाणी कडक उन्हाचा त्रास तर काही ठिकाणी ढगाळ हवामानाची स्थिती आहे. मध्य महाराष्ट्र, मराठवाडा आणि विदर्भात विजांसह हलक्या पावसाची शक्यता वर्तवण्यात आली आहे. कोल्हापूर, सांगली, सोलापूर आणि धाराशिव जिल्ह्यात ढगांच्या गडगडाटासह पावसाचा अंदाज आहे. उद्या धुळे, नंदूरबार, जळगाव, छत्रपती संभाजीनगरमध्येही पावसाची शक्यता आहे. गुरुवारी धुळे, जळगाव, जालना, परभणी आणि हिंगोलीत पाऊस पडू शकतो. शुक्रवारी परभणी, हिंगोली, नांदेडमध्ये ढगांच्या गडगडाटासह हलका पाऊस होण्याची शक्यता आहे. विदर्भातील ८ जिल्ह्यांत येलो अलर्ट देण्यात आला असून, ३०-४० किमी प्रतितास वेगाने वारे वाहण्याचा अंदाज आहे. शनिवारी नागपूर, गोंदीया, गडचिरोली, चंद्रपूर, भंडाऱ्यात विजांसह हलक्या पावसाचा इशारा आहे. पुढील चार दिवस राज्यात ढगाळ हवामान राहील, असाही अंदाज हवामान विभागाने दिला.