rain alert maharashtra: विदर्भातील अकोला, बुलडाणा, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर आणि गडचिरोली या जिल्ह्यांमध्ये पुढील पाच दिवसांत काही ठिकाणी जोरदार पाऊस पडण्याची शक्यता आहे. कोकणातील सर्व जिल्ह्यांमध्ये आज आणि उद्या काही भागांत जोरदार ते अतिजोरदार सरी कोसळण्याची शक्यता असून मध्य महाराष्ट्राच्या घाटमाथ्यांवर देखील जोरदार पावसाचा अंदाज आहे. त्याचबरोबर, मध्य महाराष्ट्रातील अन्य जिल्ह्यांमध्ये हलक्या ते मध्यम स्वरूपाच्या सरी पडण्याची शक्यता हवामान विभागाने वर्तवली आहे.