Maharashtra weather update: बुलडाणा, अकोला, वर्धा आणि यवतमाळ जिल्ह्यांतही काही भागांत जोरदार पावसाची शक्यता आहे. तर मराठवाड्यातील जालना, परभणी, नांदेड आणि हिंगोली जिल्ह्यांसाठी येलो अलर्ट देण्यात आला आहे. मात्र, मराठवाड्याचे अन्य भाग, मध्य महाराष्ट्र, खानदेश आणि कोकणात पावसाचा जोर तुलनेने कमी राहील, असा अंदाज हवामान विभागाने दिला आहे. रविवारपासून विदर्भात पावसाचा जोर कमी होण्याची शक्यता आहे. यवतमाळ, चंद्रपूर आणि गडचिरोली तसेच खानदेशातील नंदुरबार आणि धुळे जिल्ह्यांत जोरदार पावसाचा येलो अलर्ट देण्यात आला आहे. तर मराठवाडा, मध्य महाराष्ट्र आणि कोकणात हलक्याशा सरी पडण्याची शक्यता हवामान विभागाने वर्तवली आहे.