अमेरिका इथेनॉल आणि DDGS (डिस्टिलर ड्रायड ग्रेन्स विथ सॉल्युबल्स) यांच्या आयातीसही भारताने परवानगी द्यावी, असेही म्हणत आहे. सध्या भारत आणि अमेरिका यांच्यात द्विपक्षीय व्यापार करारासंदर्भात चर्चा सुरू आहेत. या चर्चांदरम्यान अमेरिकेने आपल्या कृषी उत्पादनांच्या आयातीसाठी भारताकडे आग्रह धरला आहे. भारत सरकार पेट्रोलमध्ये इथेनॉल मिश्रणाचे धोरण राबवत आहे, आणि फेब्रुवारी २०२५ मध्ये २० टक्के इथेनॉल मिश्रणाचे लक्ष्य पूर्ण झाले आहे. त्यामुळे भारतातील वाढती मागणी लक्षात घेता, अमेरिका आपले इथेनॉल भारतात निर्यात करू इच्छित आहे. त्याचप्रमाणे DDGS आयात करण्यासही भारताने परवानगी द्यावी, अशी मागणी अमेरिकेने केली आहे. गेल्या दोन वर्षांपासून भारतात मक्यापासून इथेनॉल निर्मितीस प्रोत्साहन दिले जात आहे. त्यामुळे मका, पशुखाद्य आणि स्टार्च उद्योगातून मक्याला मोठी मागणी आहे, ज्यामुळे त्याचे दर वाढले आहेत. मात्र, इथेनॉल निर्मितीनंतर उरलेला DDGS हा अवशेष सोयापेंडपेक्षा स्वस्त असल्याने, सोयापेंडचा वापर आणि मागणी घटली आहे. जर अमेरिकेचा स्वस्त DDGS भारतात आयात झाला, तर पुन्हा मका आणि सोयापेंड बाजारावर दबाव येईल. त्यामुळे उद्योग क्षेत्राने सरकारकडे अशा आयातीला परवानगी न देण्याची मागणी केली आहे. संपूर्ण माहिती जाणून घेण्यासाठी वरील व्हिडिओ जरूर पहा.