टोमॅटोच्या भावात मागील तीन आठवड्यांमध्ये मोठी घसरण झाली. तोटा वाढल्याने बाजारातील आवक वाढत असल्याचे व्यापारी सांगत आहेत. राज्यातील सर्वच बाजारांमध्ये टोमॅटोची आवक वाढलेली दिसत आहे. त्यामुळे टोमॅटोला सध्या बाजारात सरासरी ७०० ते ९०० रुपयांचा भाव मिळत आहे. बाजारामध्ये सध्या रब्बीचा मका विक्रीसाठी येत आहे. सध्या मक्याला बाजारात सरासरी २ हजार ते २ हजार ३०० रुपयांच्या भाव मिळत आहे. हळदीच्या बाजारात काहीसे चढ उतार सुरु आहेत. हळदीला सध्या सरासरी ११ हजार ते १६ हजार रुपयांच्या दरम्यान भाव मिळत आहे. सोयाबीनच्या भावात काहीसे चढ उतार सुरु असले तरी सरासरी दरपातळी मात्र स्थिर दिसत आहे. सोयाबीनला आजही ४ हजार २०० ते ४ हजार ४०० रुपयांच्या दरम्यान भाव मिळत आहे. तर प्रक्रिया प्लांट्सचे भावही ४ हजार ५५० ते ४ हजार ६५० रुपयांच्या दरम्यान होते. कापसाचे भाव देशातील बहुतांशी बाजारात सध्या ७ हजार ३०० ते ७ हजार ७०० रुपयांच्या दरम्यान दिसत आहेत. बाजारातील कापूस आवक सध्या ३५ हजार गाठींच्या दरम्यान आहे.