tomato price today: जून महिन्याच्या शेवटच्या आठवड्यापासून देशातील बाजारात टोमॅटोची आवक कमी होत गेली. जुलै महिन्याच्या पहिल्या आठवड्यात आवकेत जास्त घट झाली. टोमॅटोचे दर सध्या बाजारात सरासरी २ हजार ५०० ते ३ हजार रुपयांच्या दरम्यान पोचले आहेत. मेथीची आवकही मागणीच्या तुलनेत कमी आहे. त्यामुळे मेथील सध्या बाजारात ३ हजार ते ५ हजार रुपये प्रतिक्विंटलच्या दरम्यान दर मिळत आहे. तर प्रतिजुडी ११ ते १२ रुपये दर आहे. बटाट्याला देशातील बाजारात उठाव आहे. बटाट्याला सध्या प्रतिक्विंटल सरासरी १५०० ते २ हजार रुपयांच्या दरम्यान भाव मिळत आहे. डाळिंबाचे भाव तेजीत आहेत. डाळिंबाला आज सरासरी ७ हजार ते ९ हजार रुपये प्रतिक्विंटलच्या दरम्यान भाव मिळाला. देशातील तुरीच्या बाजारात मंदी आहे. तुरीचे भाव मोठ्या प्रमाणात कमी झाले. देशातील बाजारात तुरीचा भाव ६ हजार ३०० ते ६ हजार ६०० रुपयांच्या दरम्यान आहेत.