Wheat price: गव्हाचा बाजार मागील काही आठवड्यांपासून एका भावपातळीवर स्थिर दिसत आहे. यामुळे २ हजार ४०० ते २ हजार ७०० रुपयांच्या दरम्यान सरासरी दर मिळत आहे. ढोबळी मिरचीची बाजारातील आवकही कमी झाली आहे. ढोबळी मिरचीला सध्या बाजारात सरासरी गुणवत्तेप्रमाणे ३ हजार ५०० ते ४ हजार रुपयांच्या दरम्यान भाव मिळत आहे. बाजारातील टोमॅटोची आवक कमी झाली होत आहे. सध्या टोमॅटोला सरासरी १५०० ते २ हजार रुपयांच्या दरम्यान दर मिळत आहे. भेंडीचे दर मागील २ आठवड्यांपासून बाजारात टिकून आहेत. सध्या भेंडीला २ हजार ५०० ते ३ हजार रुपये दर मिळत आहे. देशातील बाजारात सध्या हळदीला मर्यादीत उठाव दिसत आहे. सध्या देशातील बाजारात हळदीला सरासरी १२ हजार ते १४ हजार रुपयांच्या दरम्यान दर मिळत आहे.