तिळाला बाजारात उठाव मिळत आहे. बाजारात सध्या तिळाला प्रतिक्विंटल सरासरी ११ हजार ते १३ हजार रुपयांच्या दरम्यान गुणवत्तेप्रमाणे दर मिळत आहेत. बाजारात हिरव्या मिरचीची आवक स्थिर आहे. सध्या हिरव्या मिरचीला प्रतिक्विंटल सरासरी ३ हजार ते ३ हजार ५०० रुपयांच्या दरम्यान भाव मिळत आहे. बाजारातील गव्हाची आवक वाढली आहे. देशातील महत्वाच्या उपादक राज्यांमध्ये गहू सध्या २ हजार ४०० ते २ हजार ८०० रुपयांच्या दरम्यान विकला जात आहे. राज्यातील सर्वच बाजारांमध्ये आल्याची आवक वाढली आहे. सध्या बाजारात आल्याला प्रतिक्विंटल सरासरी २ हजार ते ३ हजारांच्या दरम्यान भाव मिळत आहे. कापसाचे भाव दोन दिवस काहीसे नरमल्यानंतर पुन्हा एकदा स्थिरावले आहेत. सीसीआयने आतापर्यंत २५ लाख गाठींपेक्षा अधिक कापसाची विक्री केली. सध्या बाजारात कापसाला सरासरी ७ हजार ३०० ते ७ हजार ७०० रुपयांच्या दरम्यान भाव मिळत आहे. .