Weather Update: कोकण आणि घाटमाथ्यावर जोरदार पावसाचा, तर विदर्भात विजांसह पावसाचा इशारा (येलो अलर्ट) हवामान विभागाने दिला आहे.गुरूवारी (ता. ४) सकाळपर्यंतच्या २४ तासांमध्ये कोकणातील सिंधुदुर्ग, रत्नागिरी, मध्य महाराष्ट्रातील कोल्हापूर जिल्ह्यात मध्यम ते जोरदार पावसाच्या सरी कोसळल्या. कोल्हापूरातील चंदगड येथे सर्वाधिक १४० मिलीमीटर पावसाची नोंद झाली. आजरा आणि गगणबावडा येथेही ९० मिलीमीटर पाऊस झाला. राज्याच्या अनेक भागात पावसाची उघडीप असल्याचे दिसून आले.