Shaktipeeth Mahamarg: राज्य सरकारने शक्तिपीठ महामार्गासाठी आवश्यक भूसंपादनासाठी २० हजार कोटी रुपयांची तरतूद मंजूर केली आहे. मंगळवारी (ता. २४) झालेल्या मंत्रिमंडळ बैठकीत या प्रस्तावाला अधिकृत मंजुरी देण्यात आली. त्यामुळे या महत्वाच्या प्रकल्पासाठी भूसंपादनाची प्रक्रिया आता सुरू होणार आहे. कोणताही प्रकल्प भूसंपादनाअभावी रखडू नये, यासाठी संबंधित यंत्रणांनी आवश्यक ती खबरदारी घ्यावी, असे निर्देश मुख्यमंत्री देवेंद्र फडणवीस यांनी यावेळी दिले. या पार्श्वभूमीवर मुख्यमंत्री फडणवीस यांच्या अध्यक्षतेखाली मंगळवारी मंत्रिमंडळाची बैठक पार पडली. या बैठकीला उपमुख्यमंत्री अजित पवार, उपमुख्यमंत्री एकनाथ शिंदे तसेच विविध खात्यांचे मंत्री उपस्थित होते.