राज्यात अनेक भागांत ढगाळ हवामान असल्याने काही प्रमाणात उन्हाचा तीव्रपणा कमी झाला आहे. पुढील पाच दिवस राज्याच्या विविध भागांत पावसाचा अंदाज आहे. जळगाव, छत्रपती संभाजीनगर, जालना, परभणी, बीड, हिंगोली येथे ढगांच्या गडगडाटासह हलका पाऊस पडण्याची शक्यता आहे. नागपूर, गोंदीया, गडचिरोली येथे तीन दिवस विजांसह हलका पाऊस होण्याची शक्यता वर्तवली आहे. चंद्रपूर, भंडारा, अमरावती येथेही ढगांच्या गडगडाटासह हलका पाऊस पडेल. धाराशिव, लातूर, नांदेड येथे दोन दिवस, सोलापूरमध्ये तीन दिवस आणि सांगली, कोल्हापूरमध्ये रविवारी आणि सोमवारी हलका पाऊस पडण्याचा अंदाज आहे. ठाणे, रायगड, मुंबई, पालघर आणि रत्नागिरी जिल्ह्यांसाठी उष्ण व दमट हवामानाचा येलो अलर्ट जारी करण्यात आला आहे.