Maharashtra rain forecast: कोकण, मध्य महाराष्ट्र, विदर्भ आणि मराठवाड्याच्या काही भागांमध्ये मुसळधार पावसाचा अंदाज व्यक्त करण्यात आला आहे. पालघर, पुणे आणि नाशिक जिल्ह्यांच्या घाटमाथ्यांसाठी आज काही भागांत जोरदार ते अतिजोरदार पावसाचा रेड अलर्ट जारी करण्यात आला. कोकणातील सर्व जिल्ह्यांमध्येही काही ठिकाणी जोरदार सरी पडण्याची शक्यता आहे. पुणे, नाशिक, नगर, धुळे, नंदुरबार तसेच मराठवाड्यातील छत्रपती संभाजीनगर, परभणी, नांदेड, जालना आणि संपूर्ण विदर्भासाठी येलो अलर्ट जारी करण्यात आला आहे.