5-day rain alert Maharashtra: राज्यात आज आणि उद्या अनेक भागांत पावसाचा अंदाज वर्तविण्यात आला आहे. पुढील पाच दिवस कोकण आणि मध्य महाराष्ट्राच्या घाटमाथ्यावर जोरदार पावसाची शक्यता आहे. आज कोकणातील सर्व जिल्ह्यांमध्ये तसेच मध्य महाराष्ट्राच्या घाटमाथ्यावर काही भागांमध्ये जोरदार पावसाचा येलो अलर्ट जारी करण्यात आला आहे. नाशिक आणि खानदेशातील तीन जिल्ह्यांतही पावसाची तीव्र शक्यता आहे. विदर्भातील सर्व जिल्ह्यांसाठी देखील येलो अलर्ट देण्यात आला आहे. तसेच मराठवाड्यात छत्रपती संभाजीनगर, जालना, बीड, परभणी, नांदेड आणि हिंगोली जिल्ह्यांमध्येही पावसाची शक्यता हवामान विभागाने वर्तविली आहे.