Maharashtra rain: राज्यातील काही भागांमध्ये पुढील पाच दिवस मध्यम ते जोरदार पावसाची शक्यता वर्तवण्यात आली आहे. विशेषतः विदर्भात पावसाचा जोर काहीसा अधिक राहण्याचा अंदाज आहे. शुक्रवारपासून कोकणातही पावसाचा जोर वाढेल. विदर्भातील अकोला, अमरावती, यवतमाळ, चंद्रपूर, नागपूर आणि वर्धा जिल्ह्यांसाठी जोरदार पावसाचा ऑरेंज अलर्ट जारी करण्यात आला आहे. मात्र, शनिवारपासून पावसाचा जोर काहीसा कमी होण्याची शक्यता आहे. मराठवाड्यातील काही जिल्ह्यांमध्येही पुढील पाच दिवस काही ठिकाणी हलक्यापासून ते जोरदार पावसाचा अंदाज आहे. मध्य महाराष्ट्र आणि कोकणातही अशाच प्रकारचा पाऊस होण्याची शक्यता हवामान विभागाने वर्तवली आहे.