rain alert: आज हवामान विभागाने विदर्भ आणि कोकणातील सर्व जिल्हे, तसेच धुळे, नंदूरबार, जळगाव, छत्रपती संभाजीनगर, जालना, नांदेड, हिंगोली आणि परभणी जिल्ह्यांत काही ठिकाणी जोरदार पावसाचा यलो अलर्ट जारी केला आहे. मध्य महाराष्ट्रातील घाटमाथ्यावर जोरदार ते अतिजोरदार पावसासाठी ऑरेंज अलर्ट देण्यात आला आहे. मध्य महाराष्ट्र आणि मराठवाड्यातील इतर जिल्ह्यांत काही ठिकाणी हलक्या ते मध्यम सरींचा अंदाज वर्तवण्यात आला आहे. उद्या कोकण आणि मध्य महाराष्ट्रातील घाटमाथा, तसेच विदर्भातील अमरावती, यवतमाळ, चंद्रपूर, गडचिरोली, भंडारा आणि गोंदिया, तसेच मराठवाड्यातील छत्रपती संभाजीनगर, जालना, बीड आणि लातूर जिल्ह्यांमध्ये काही ठिकाणी जोरदार पावसाची शक्यता आहे. तर उर्वरित मध्य महाराष्ट्र व मराठवाड्यात हलक्या ते मध्यम सरी पडण्याची शक्यता हवामान विभागाने वर्तवली आहे.