rain alert: मराठवाड्यातील सर्व जिल्ह्यांमध्ये काही ठिकाणी विजांसह जोरदार सरींचा अंदाज वर्तविण्यात आला आहे. मध्य महाराष्ट्रातील कोल्हापूर, सोलापूर, सातारा, सांगली, पुणे आणि नगर जिल्ह्यांना यलो अलर्ट जारी करण्यात आला आहे. कोकणातही काही भागांत मुसळधार पावसाची शक्यता आहे. विदर्भातील अमरावती, नागपूर, भंडारा, गोंदिया, चंद्रपूर आणि गडचिरोली जिल्ह्यांत देखील काही ठिकाणी जोरदार पाऊस होण्याचा अंदाज हवामान विभागाने वर्तविला आहे.