rain update: माॅन्सून २९ मेपासून एकाच जागेवर आहे. माॅन्सूनचे प्रवाह मंदावल्याने वाटचाल झाली नाही तसेच पावसाचा जोरही कमी झाला. हवामान विभागाने आजही राज्यातील काही भागांमध्ये हलक्यापासून मध्यम स्वरूपाच्या पावसाचा अंदाज वर्तवला आहे. विदर्भातील सर्व जिल्ह्यांमध्ये काही ठिकाणी जोरदार, तर इतर ठिकाणी हलक्याप्रमाणात पावसाची शक्यता वर्तवण्यात आली आहे. पुढील पाच दिवस विदर्भात अशाच स्वरूपाचा पाऊस राहण्याची शक्यता वर्तवण्यात आली आहे. मराठवाड्यातील सर्व जिल्ह्यांमध्ये हलक्या ते मध्यम पावसाचा अंदाज दिला गेला आहे. विशेषतः छत्रपती संभाजीनगर, जालना, परभणी आणि बीड या जिल्ह्यांमध्ये काही ठिकाणी जोरदार पावसाचा येलो अलर्ट देण्यात आला आहे. मध्य महाराष्ट्रातही पुढील पाच दिवस काही भागांमध्ये मध्यम ते जोरदार सरी कोसळण्याची शक्यता हवामान विभागाने व्यक्त केली आहे.