हवामान विभागाने आज कोकणातील सिंधुदूर्ग, तसेच मध्य महाराष्ट्रातील कोल्हापूर, सांगली, सोलापूर, छत्रपती संभाजीनगर, नांदेड, धाराशिव जिल्ह्यात हलक्या ते मध्यम पावसाचा अंदाज आहे. तर लातूर जिल्ह्यातील काही भागात आज आणि उद्या पावसाचा अंदाज देण्यात आला. बुलडाणा, वाशीम, अकोला जिल्ह्यात उद्या तर चंद्रपूर, गडचिरोली, अमरावती, नागपूर, वर्धा आणि यवतमाळ जिल्ह्यात आज आणि उद्या विजा आणि ढगांच्या गडगडाटासह पावसाचा अंदाज देण्यात आला. तसेच भंडारा आणि गोंदीया जिल्ह्यात बुधवार, गुरुवार आणि शुक्रवारी विजा आणि ढगांच्या गडगडाटासह हलक्या ते मध्यम पावसाचा अंदाज आहे. पावसाचे वातावरण निवळ्यानंतर राज्यात उन्हाचा चटका वाढण्याचा अंदाज आहे.