मराठवाडा, विदर्भ आणि मध्य महाराष्ट्रात पुढील काही दिवस पावसाची शक्यता हवामान विभागाने वर्तवली आहे. हिंगोलीत ४ दिवस, तर नांदेडमध्ये ५ दिवस हलक्या पावसाचा अंदाज आहे. लातूर, धाराशिव, परभणी, जालना, बीड आणि छत्रपती संभाजीनगर या जिल्ह्यांतही शनिवारीपासून पावसाची शक्यता आहे. विदर्भातील अमरावती, नागपूर, वर्धा, भंडारा, चंद्रपूर, गडचिरोली, गोंदिया आणि यवतमाळ जिल्ह्यांत विजांसह हलक्या ते मध्यम पावसाचा अंदाज आहे. सोलापूर, कोल्हापूर, सांगली, पुणे आणि सातारा जिल्ह्यांमध्येही काही दिवस पावसाचा अंदाज आहे. कोकणातील सिंधुदूर्ग जिल्ह्यात पुढील ३ दिवस पाऊस होण्याची शक्यता आहे. तापमानाच्या बाबतीत अकोल्यात सर्वाधिक ४३.५ अंश सेल्सिअस तापमानाची नोंद झाली असून, विदर्भात उष्णतेची तीव्रता अधिक आहे.