Weather Update: जुलै महिन्यात तापमान कसे राहू शकते? याविषयी बोलताना श्री. खुळे म्हणाले की, संपूर्ण महाराष्ट्रात दुपारचे ३ वाजेचे कमाल तापमान हे जुलैतील सरासरी कमाल तापमानापेक्षा पेक्षा अधिक असण्याची शक्यता आहे. म्हणजे दिवसाचे अधिक तापमान म्हणून अधिक आर्द्रता त्यामुळेच जुलै महिन्यात पावसाची शक्यताही सरासरीपेक्षा अधिक जाणवणार आहे. तर पहाटे ५ चे किमान तापमान हे सरासरीपेक्षा असण्याची शक्यता अधिक आहे. म्हणजेच जुलै महिना पावसाळी असेल आणि आकाश नेहमी आभ्राच्छादित स्थितीतून किमान तापमानात वाढ जाणवणार आहे, असेही श्री. खुळे यांनी स्पष्ट केले . ला-निना स्थिविषयी बोलताना श्री. खुळे यांनी सांगितले की, सध्या एन्सो तटस्थ असून ऑगस्ट महिन्यात ला-निना डोकावणार आहे. त्यामुळे जुलै महिन्यातील पावसासाठी समुद्र पृष्ठभागीय पाणी तापमान म्हणजेच तटस्थेतील एन्सो स्थिती पूरकच समजावी. आतापर्यंत आयओडी धन होता. परंतु पुन्हा तटस्थेकडे झुकत आहे.