Monsoon forecast June 2025: मागील १० दिवसांमध्ये राज्यात बराचसा भाग पावसाने व्यापला आहे. माॅन्सूनदेखील देशात अधिकृतपणे दाखल झाला असून, तो आता झपाट्याने उत्तर भारताकडे सरकत आहे. हवामान विभागाच्या अंदाजानुसार महाराष्ट्रात माॅन्सून मंगळवारपर्यंत पोहोचण्याची शक्यता आहे. मात्र, हा पाऊस किती टिकेल, किती प्रमाणात बरसणार आहे आणि जून महिन्यात खंड पडणार का, याकडे सर्वांचे लक्ष लागले आहे. शेतकऱ्यांपुढे एक मोठा प्रश्न म्हणजे या सुरुवातीच्या पावसावर पेरणी करावी की थोड थांबावे? कारण जर जूनमध्ये पावसाचा खंड पडला तर पेरणी केलेल्या पिकांना धोका निर्माण होऊ शकतो. म्हणून शाश्वत पावसाचा अंदाज आणि पुढील हवामान परिस्थितीचा अभ्यास करूनच शेतीचे नियोजन करणे गरजेचे आहे.