शेतामध्ये ऊस १२ ते १८ महिने उभा असतो. उसाला नेमकं वाढीच्या काळातच बदलत्या हवामानाला तोंड द्यावं लागतं, त्यामुळे ऊस उत्पादनात चढ-उतार आढळून येतात. उसाच्या मुळांची कार्यक्षमता कमी होते. पाणी व अन्नद्रव्यांचे अपुरे शोषण होऊन प्रकाशसंश्लेषण मंदावते. पाने बुडख्याकडून शेंड्याकडे वाळत जातात. पानातील हरितद्रव्याच प्रमाणही घटत. उसात धशीचे प्रमाण वाढते. कांड्यांची लांबी व जाडी कमी होते आणि उसाच वजन घटत जातं.खोडवा पिकात फुटव्यांचे प्रमाण कमी होऊन गाळपा च्या उसाच्या संख्येत घट होते.

पाण्याचा ताण कमी करण्यासाठी उपाय

लांब सरी, एका आड एक सरी किंवा जोड ओळ पट्टा पद्धतीने पाणी द्यावे. लांब सरी पद्धतीमध्ये दोन पाळ्यातील अंतर कमी ठेवावे. २५ टक्के जास्त पोटॅश खत द्यावे. दर २१ दिवसांनी दोन टक्के म्युरेट ऑफ पोटॅश + दोन टक्के युरिया यांचे मिश्रण करून फवारणी. एक टक्का  मल्टिन्यूट्रियंट द्रवरूप खतांची एक महिन्याच्या अंतराने तीन फवारण्या कराव्यात.