Soybean Market: सोयाबीनच्या भावात आंतरराष्ट्रीय बाजारात आणि देशातील बाजारात काही प्रमाणात चढ उतार सुरु आहेत. आज दुपारपर्यंत आंतरराष्ट्रीय बाजारात सोयाबीनच्या भावात कालच्या तुलनेत काही प्रमाणात वाढ होऊन वायदे ९.८५ डाॅलर प्रतिबुशेल्सवर पोचले होते. तर सोयापेंडचा भाव ३१० डाॅलरवर कायम होता. देशातील बाजारात मात्र सोयाबीनचा भाव स्थिरावला होता. सोयाबीनला बाजारात आजही ४ हजार ते ४ हजार ४०० रुपयांच्या दरम्यान भाव मिळाला. तर प्रक्रिया प्लांट्सनी आज ४४५० ते ४६०० रुपयांनी सोयाबीनची खरेदी केली. सोयाबीन बाजारात आणखी काही दिवस चढ उतार दिसू शकतात, असा अंदाज सोयाबीन बाजारातील अभ्यासकांनी व्यक्त केला.