maize crop protection: मका उत्पादनात आघाडीवर असलेल्या छत्रपती संभाजीनगर जिल्ह्यात मका पिकावर अमेरिकन लष्करी अळीचा प्रादुर्भाव दिसून आला आहे. वैजापूर तालुक्यातील परसोडा शिवारात मागील दहा ते पंधरा दिवसांपासून या कीडचा प्रादुर्भाव जाणवू लागल्याने परिसरातील मका उत्पादक शेतकऱ्यांमध्ये चिंतेचे वातावरण निर्माण झाले आहे. पिकाचे क्षेत्र वाढले असल्याने कीड नियंत्रणाचे आव्हानही मोठे झाले आहे.