राज्यात अवकाळी पावसाचे वातावरण निर्माण झाले आहे. मध्य महाराष्ट्र, विदर्भ आणि मराठवाड्यात काही भागांत विजांसह पाऊस होण्याची शक्यता आहे. हवामान विभागाने धुळे, नंदूरबार, जळगाव, छत्रपती संभाजीनगर, जालना, लातूर येथे हलक्या पावसाचा अंदाज दिला आहे. वाशीम, नागपूर, बुलडाणा, अकोला, अमरावती, नांदेड, हिंगोली, परभणी येथे येलो अलर्ट जारी करण्यात आला आहे. उद्या परभणी, हिंगोली येथे हलक्या पावसाची शक्यता आहे, तर गडचिरोली, चंद्रपूर, भंडारा, वर्धा येथे गारपीट होण्याचा ऑरेंज अलर्ट आहे. शनिवारी नांदेड, धाराशिव येथे हलक्या पावसाचा अंदाज आहे, तर गोंदीया, वर्धा येथे गारपीट होण्याची शक्यता आहे. रविवारीही राज्यात काही ठिकाणी हलक्या पावसाचा अंदाज हवामान विभागाकडून वर्तवण्यात आला आहे.