Maharashtra monsoon update: राज्यातील अनेक भागांमध्ये सध्या मॉन्सून सक्रिय आहे. विदर्भात बुलडाणा, अकोला, अमरावती, वाशीम, यवतमाळ, वर्धा, नागपूर, चंद्रपूर, भंडारा, गोंदिया आणि गडचिरोली जिल्ह्यांमध्ये काही ठिकाणी पुढील पाच दिवस जोरदार पाऊस पडण्याची शक्यता आहे. कोकणात आणि मध्य महाराष्ट्राच्या घाटमाथ्यावरही मुसळधार सरी पडत असून, कोकणात पुढील पाच दिवस काही भागांत जोरदार पावसाचा इशारा देण्यात आला आहे. मध्य महाराष्ट्रातील घाटमाथ्यावरही मुसळधारेचा इशारा आहे. खानदेशातील तीन जिल्ह्यांमध्ये आज व उद्या पावसाचा जोर राहील. तर मराठवाड्यातील इतर भागांत हलक्या ते मध्यम स्वरूपाचा पाऊस पडण्याचा अंदाज हवामान विभागाने व्यक्त केला आहे.