कडक उन्हामुळे जनावरांमध्ये उष्माघात, ताप आणि गर्भपाताचे प्रमाण वाढले आहे. त्यामुळे त्यांना सावलीत व मोकळ्या हवेत ठेवणे गरजेचे आहे. भरपूर थंड पाणी आणि पोषणयुक्त आहार द्यावा, तसेच गोठ्याचे छत थंड ठेवण्यासाठी उपाय करावेत. तुळस, अश्वगंधा, शतावरी यांसारख्या वनस्पतींमुळे जनावरांचा ताण कमी करता येतो. उष्णतेच्या तीव्रतेमुळे अस्वस्थ झालेल्या जनावरांवर त्वरित उपचार करावेत. हिरव्या चाऱ्याअभावी हायड्रोपोनिक चारा आणि अझोला पाणवनस्पतीचा वापर करावा. आहारात टरबूजाच्या साली, संत्री-मोसंबीचा चोथा यांचा समावेश करावा. उष्णतेमुळे जनावरांच्या शरीरातील पाण्याचे प्रमाण कमी झाल्यास तातडीने सलाईन उपचार द्यावेत. पावसाळ्यापूर्वी घटसर्प व फऱ्या रोग प्रतिबंधक लसीकरण करून घ्यावे.