improve soil quality: जमिनीत सुमारे २५ टक्के जागतिक जैवविविधता आढळते. मात्र बऱ्याचशा जमिनीत पोषक तत्त्वांची कमतरता असून सेंद्रिय कर्बाचे प्रमाण केवळ ०.५४ टक्क्यांपर्यंत असते. पोषक तत्त्वांची घट आणि अयोग्य खत वापरामुळे जमिनीची उत्पादकता कमी होते. यासाठी माती परीक्षणावर आधारित खत व्यवस्थापन, पोषक तत्त्वांची भरपाई आणि सेंद्रिय घटक वाढवण्याच्या शाश्वत पद्धतींचा वापर गरजेचा आहे. याशिवाय, जमिनीतील कणरचना, भुसभुशीतपणा, निचरा, सूक्ष्म व दुय्यम अन्नद्रव्यांचे प्रमाण, जमिनीची खोली आणि सूक्ष्मजीवांचे प्रमाण या सगळ्याचा देखील सुपीकतेवर प्रभाव असतो.