heavy rain forecast maharashtra: पूर्व विदर्भात विशेषतः गोंदिया, चंद्रपूर आणि गडचिरोली जिल्ह्यांमध्ये काही ठिकाणी जोरदार ते अतिजोरदार पावसाचा इशारा देण्यात आला आहे. कोकण आणि घाटमाथ्याच्या भागांमध्येही अशीच शक्यता असून, मराठवाड्यातील बीड, धाराशिव, लातूर, परभणी, नांदेड आणि हिंगोली जिल्ह्यांमध्येही काही ठिकाणी जोरदार पावसाचा अंदाज आहे. मध्य महाराष्ट्र आणि मराठवाड्याच्या उर्वरित भागांमध्ये हलक्या ते मध्यम स्वरूपाचा पाऊस आणि ढगाळ वातावरण राहील, असा अंदाज हवामान विभागाने वर्तविला आहे.