orange alert in 6 districts: आज हवामान विभागाने सहा जिल्ह्यांसाठी जोरदार ते अतिजोरदार पावसाचा ऑरेंज अलर्ट जाहीर केला आहे. विदर्भातील बुलडाणा, अकोला, अमरावती आणि कोकणातील सिंधुदुर्ग, रत्नागिरी, रायगड जिल्ह्यांतील काही भागात हा अलर्ट लागू करण्यात आला आहे. तसेच, कोल्हापूर, सातारा आणि पुणे जिल्ह्याच्या घाटमाथ्यावरही आज जोरदार ते अतिजोरदार पावसाची शक्यता वर्तवण्यात आली आहे. नंदुरबार, जळगाव, धुळे, छत्रपती संभाजीनगर, जालना, वाशीम, नागपूर, भंडारा आणि गडचिरोली जिल्ह्यांमध्ये काही ठिकाणी जोरदार पावसासाठी येलो अलर्ट हवामान विभागाकडून देण्यात आला आहे.