rain alert: महाराष्ट्रातील अनेक भागांत पुढील पाच दिवस काही ठिकाणी जोरदार पावसाचा इशारा हवामान विभागाने दिला आहे. विदर्भातील यवतमाळ, वाशीम, वर्धा, नागपूर, गोंदिया, गडचिरोली, चंद्रपूर, भंडारा, अमरावती, अकोला आणि बुलडाणा या जिल्ह्यांत येलो अलर्ट जाहीर करण्यात आला आहे.मराठवाड्यातील धाराशिव, लातूर, नांदेड, हिंगोली, बीड, परभणी, जालना आणि छत्रपती संभाजीनगर जिल्ह्यांमध्येही मेघगर्जनेसह विजा आणि जोरदार पावसाचा अंदाज आहे.मध्य महाराष्ट्रातील अहिल्यानगर, पुणे, कोल्हापूर, सातारा, सांगली आणि सोलापूर या जिल्ह्यांमध्ये देखील पुढील पाच दिवस काही ठिकाणी पावसाची शक्यता आहे. विशेषतः सांगली आणि कोल्हापूर जिल्ह्यांत गुरुवार आणि शुक्रवार, तर सातारा जिल्ह्यात शुक्रवार आणि शनिवार हे दिवस विजेच्या कडकडाटासह अतिजोरदार पावसाचा अंदाज वर्तवण्यात आला आहे.

उत्तर महाराष्ट्रातील नंदुरबार, धुळे, जळगाव आणि नाशिक जिल्ह्यांत काही ठिकाणी पावसाची शक्यता दर्शवली आहे.कोकणातील सिंधुदुर्ग, रत्नागिरी, रायगड, मुंबई, ठाणे आणि पालघर जिल्ह्यांमध्ये देखील पावसाचा जोर कायम राहण्याचा अंदाज आहे. विशेषतः सिंधुदुर्ग जिल्ह्यांत गुरुवार ते शनिवार आणि रत्नागिरी जिल्ह्यात शुक्रवार व शनिवार हे दिवस विजा आणि मेघगर्जनेसह अतिजोरदार पावसाचे राहतील.