Rain Alert: आज अमरावती, नागपूर, भंडारा आणि गोंदीया, तसेच जालना व परभणी या जिल्ह्यांत काही ठिकाणी जोरदार पावसाचा येलो अलर्ट देण्यात आला आहे. बुलडाणा, अकोला, वाशीम आणि चंद्रपूर जिल्ह्यांत हलक्या ते मध्यम पावसाची शक्यता आहे. मराठवाड्यातील उर्वरित जिल्ह्यांतही पावसाचे हलके ते मध्यम सरी पडण्याचा अंदाज आहे. मध्य महाराष्ट्रातील पुणे, नाशिक आणि खानदेशातील तीनही जिल्ह्यांत हलक्या पावसाची शक्यता हवामान विभागाने वर्तवली आहे.