rain alert: राज्यातील विविध भागांमध्ये जोरदार ते अतिजोरदार पावसाचा अंदाज देण्यात आला आहे. कोकणातील सिंधुदुर्ग, रत्नागिरी, रायगड आणि ठाणे जिल्ह्यांमध्ये पुढील पाच दिवस अनेक ठिकाणी जोरदार पावसाचा ऑरेंज अलर्ट जारी करण्यात आला आहे. त्याचप्रमाणे सिंधुदुर्ग, रत्नागिरी आणि रायगड जिल्ह्यांमध्ये आज व उद्या काही भागांत अतिजोरदार पावसाचा रेड अलर्टही दिला आहे. मध्य महाराष्ट्रातील पुणे, सातारा, सांगली आणि कोल्हापूर जिल्ह्यांतही आज व उद्या काही भागांत जोरदार ते अतिजोरदार पावसाची शक्यता वर्तविण्यात आली आहे.