rain alert: पुढील दोन दिवसांत माॅन्सून विदर्भात आणखी काही भागांत आणि छत्तीसगड, ओडिशातील काही भागांतही सरकणार असल्याचा अंदाज वर्तवण्यात आला आहे. राज्यात पुढील पाच दिवस काही भागांत जोरदार पावसाची शक्यता आहे. विशेषतः विदर्भ, मराठवाडा, मध्य महाराष्ट्र आणि कोकण या भागांत येत्या तीन दिवसांत पावसाचा जोर अधिक राहण्याचा अंदाज आहे. त्यानंतर मराठवाडा आणि मध्य महाराष्ट्रात पावसाचा जोर कमी होऊ शकतो. विदर्भातील अकोला, अमरावती, यवतमाळ, वर्धा, नागपूर आणि चंद्रपूर जिल्ह्यांसाठी हवामान विभागाने जोरदार पावसाचा ऑरेंज अलर्ट जाहीर केला आहे. कोकणातील सिंधुदुर्ग, रत्नागिरी, कोल्हापूर आणि सांगली जिल्ह्यांनाही ऑरेंज अलर्ट जारी करण्यात आला आहे. तसेच, मराठवाड्यातील काही जिल्ह्यांमध्ये आणि मध्य महाराष्ट्रातील इतर काही भागांत येलो अलर्ट जारी करण्यात आला असून जोरदार पावसाची शक्यता दर्शवण्यात आली आहे.