राज्याचे अर्थमंत्री अजित पवार आज (ता.१०) अर्थसंकल्प सादर करणार असल्याने शेतकऱ्यांच्या मोठ्या अपेक्षा आहेत. कर्जमाफी, नमो शेतकरी सन्मान योजनेसाठी अधिक निधी, कापूस व सोयाबीनसाठी भावांतर योजना, तसेच ठिबक सिंचन, शेततळे आणि विहिर अशा योजनांच्या अनुदानात वाढ करण्याची शेतकऱ्यांची अपेक्षा आहे. कारण सरकारने गेले वर्षभर शेतकऱ्यांशी कशी लबाडी केली, हे सरकारच्याच आर्थिक पाहणी अहवालातून पुढे आले आहे. शेतीचा विकास सगळ्या क्षेत्रांमध्ये जास्त दिसत असला तरी शेतकऱ्यांचा विकास मात्र होताना दिसत नाही. त्यामुळे आता अजित पवार अर्थसंल्पात शेतकऱ्यांना नेमकं काय देतात? याकडे शेतकऱ्यांचे लक्ष आहे.