crop insurance trigger removal: विरोधी पक्षनेते अंबादास दानवे यांनी नव्या पीक विमा योजनेतील "ट्रिगर" बंद केल्याचा मुद्दा विधीमंडळात उपस्थित केला. यंदा केवळ दोनच पीकविमा कंपन्या सहभागी झाल्या असून, त्यांना फायदा व्हावा म्हणून तीन महत्त्वाचे ट्रिगर बंद करण्यात आल्याचा आरोप त्यांनी केला. आता शेतकऱ्यांना भरपाई केवळ पीक कापणी प्रयोगावर आधारित मिळणार आहे. याआधी पेरणीनंतर जर नैसर्गिक आपत्ती आली, तर शेतकऱ्यांना २५ टक्के आगाऊ रक्कम मिळत असे, तसेच कापणीपर्यंत काही ठराविक ट्रिगरनुसार भरपाई दिली जात होती. जर पीकच उगवले नाही, तर मग कापणी कशाची करणार? असा थेट सवाल दानवे यांनी उपस्थित केला.