Banana Market: श्रावण महिन्यांतील उपवासामुळे केळीला सध्या चांगला उठाव मिळत आहे. तर बाजारातील केळीची आवक सरासरीपेक्षा कमी आहे. त्यातच सध्या बाजारात गुणवत्तापूर्ण केळीची टंचाई भासत आहे. त्यामुळे केळीचे भाव काहीसे सुधारले आहेत. सध्या केळीला सरासरी १ हजार ५०० ते १ हजार ८०० रुपयांचा भाव मिळत आहे. केळीला यापुढे श्रावण, गणपती आणि नवरात्रीत चांगला उठाव राहणार आहे. त्यामुळे केळीचे भाव टिकून राहू शकतात, असा अंदाज व्यापारी व्यक्त करत आहेत.