केळीला वाढत्या उन्हामुळे उठाव मिळत आहे. राज्यातील केळीला विशेष मागणी असल्याचे व्यापारी सांगत आहेत. त्यामुळे दरात क्विंटलमागे मागील दोन आठवड्यात २०० रुपयांपर्यंत सुधारणा झाली. सध्या केळी सरासरी १७०० ते २ हजार रुपयांचा भाव मिळत आहे. राज्यातील बाजारात कारल्याची आवक स्थिर आहे. कारल्याला सध्या बाजारात सरासरी २ हजार ५०० ते ३ हजार रुपयांच्या दरम्यान भाव मिळत आहेत. राज्यातील पपईला सध्या चांगली मागणी आहे. राज्यातील पपई सध्या देशभरात जात आहे. त्यामुळे पपईला सध्या १७०० ते २ हजार रुपयांचा भाव मिळत आहे. सोयाबीनची बाजारातील आवक कमी आहे. सोयाबीनला आजही बाजारात ४ हजार ते ४ हजार ३०० रुपयांच्या दरम्यान भाव मिळाला. आंतरराष्ट्रीय बाजारात अमेरिकेच्या धोरणामुळे कापसाच्या भावातील मंदी वाढलेली दिसत आहे. सध्या ४५ ते ५० हजार गाठींच्या दरम्यान कापसाची आवक होत आहे. तर बाजार समित्यांमध्ये कापसाला सध्या ७ हजार ३०० ते ७ हजार ८०० रुपयांच्या दरम्यान भाव मिळत आहे.