महायुती सरकारच्या घटक पक्षांनी शेतकऱ्यांना निवडणुकीपूर्वी कर्जमाफीचं आश्वासन दिलं होतं. मुख्यमंत्री देवेंद्र फडणवीसांनी चंद्रपुर आणि नाशिक जिल्ह्यातील प्रचारसभेत शेतकऱ्यांचा सातबारा कोरा करण्याची घोषणा केली होती. तर महायुतीच्या जाहीरनाम्यातही शेतकऱ्यांचं कर्ज माफ करण्याचं आश्वासन देण्यात आलं होतं. त्यामुळे शेतकरी कर्जमाफीची प्रतिक्षा करत आहेत. परंतु अजित पवारांनी पुन्हा एकदा कर्जमाफीला नकार दर्शवत कर्जमाफीचं आश्वासन दिलं नव्हतं, असा घुमजावही केला आहे.